مەرجەکان

دوایین نوێکردنەوە: 2026-11-04

خزمەتگوزارییەکە

GSM KOYA ads خزمەتگوزارییەکی GSM KOYA یە بۆ بەڕێوەبردنی ڕیکلامی پارەدار (سپۆنسەر) بۆ پۆستەکانی فەیسبووک و ئینستاگرامی کڕیاران. ئێمە بەشێک نین لە Meta Platforms و هیچ پەیوەندییەکی فەرمیمان لەگەڵیدا نییە.

ئەکاونت و پەیج

کڕیار بەرپرسیارە لە ڕاستی زانیارییەکانی ئەکاونتەکەی و دەبێت ئەدمینی ڕاستەقینەی ئەو پەیجانە بێت کە پەیوەستیان دەکات.

بە پەیوەستکردنی پەیج، ڕێگە بە GSM KOYA دەدەیت تەنها بۆ دروستکردن و شیکردنەوەی ڕیکلامی ئەو پۆستانەی خۆت داوات کردوون. هەر کاتێک بتەوێت دەتوانیت ئەم دەسەڵاتە لە ڕێکخستنی پەیجەکەت لابەریت.

پێداچوونەوە و ڕەتکردنەوە

هەموو داواکارییەک پێش پارەدان پێداچوونەوەی بۆ دەکرێت. مافی ڕەتکردنەوەی هەر ناوەڕۆکێکمان هەیە کە پێچەوانەی یاسا یان سیاسەتی ڕیکلامی Meta بێت (وەک ناوەڕۆکی فێڵ، قومار، چەک، یان هەڵخەڵەتاندن).

نرخ و پارەدان

نرخەکان بە دۆلار پیشان دەدرێن و پارەدان بە دینار لە ڕێگەی FIB یان FastPay دەکرێت. پارەدانی کاش نییە.

ڕیکلام تەنها دوای پشتڕاستکردنەوەی پسوولەی پارەدان چالاک دەکرێت.

ئەنجام

ئەنجامی ڕیکلام (گەیشتن، کارلێک، بینین) لەلایەن سیستەمی Meta دیاری دەکرێت و هیچ ژمارەیەکی دیاریکراو گەرەنتی ناکرێت. ئەو ژمارانەی پیشان دەدرێن ڕاستەوخۆ لە Meta وەردەگیرێن.

گەڕاندنەوەی پارە

ئەگەر داواکاری پاش پارەدان ڕەت کرایەوە یان نەتوانرا چالاک بکرێت، پارەکە بە تەواوی دەگەڕێنرێتەوە. دوای دەستپێکردنی ڕیکلام، گەڕاندنەوە تەنها بۆ ئەو بەشەیە کە خەرج نەکراوە، دوای لێدەرکردنی خەرجی خزمەتگوزاری.

گۆڕانکاری

ئەم مەرجانە لەوانەیە نوێ بکرێنەوە؛ بەردەوامبوون لە بەکارهێنان بە ڕازیبوون دادەنرێت.

پەیوەندی: ardalannasr@gmail.com